Giklaro ni Senator Panfilo “Ping” Lacson nga ang iyang panawagan nga hatagan og hustong proseso si Senator Ronald “Bato” Dela Rosa dili pagpanalipod kaniya batok sa arrest warrant sa International Criminal Court (ICC), kundi aron masiguro ang luwas nga pagpatuman sa balaod ug malikayan ang kagubot.
Gikuwestiyon usab ni Lacson ang ₱50-million nga pabuya alang sa pagkadakop sa senador, diin gipaluyohan man kini ni Senate President Sherwin Gatchalian pinaagi sa panawagan alang sa usa ka malinawon nga pag-alisto. Gipasalig usab sa National Bureau of Investigation (NBI) ug Philippine National Police (PNP) nga paningkamotan nilang walay masamdan atol sa pag-alisto sa warrant.
Kahinumdoman nga nagtago-tago karon si Dela Rosa samtang nag-atubang sa kasong crimes against humanity sa ICC tungod sa iyang giingong pagkalambigit isip co-perpetrator sa war on drugs ubos sa administrasyon ni kanhi Presidente Rodrigo Duterte.