Nanawagan ang mga biktima sa kampanya batok sa ilegal nga droga sa administrasyon ni Presidente Ferdinand Marcos Jr. nga ipatuman ang arrest warrant sa International Criminal Court (ICC) batok kang Senator Ronald “Bato” Dela Rosa ug itugyan kini sa korte sa The Hague, Netherlands.
Sumala kang Atty. Gilbert Andres, common legal representative sa mga biktima, gikinahanglan nga mapatuman ang mandamiento sa malinawon ug episyenteng paagi tungod kay may kalabotan kini sa kasong crimes against humanity of murder.
Gipangita na sa mga otoridad ang senador human mogawas ang warrant, samtang nagbutang ang Department of the Interior and Local Government og 50 milyong pisong pabuya alang sa makahatag og impormasyon sa iyang nahimutangan.
Matud ni Andres, dili pa masuta ang pagkaepektibo sa mga lakang sa gobyerno hangtod nga madakpan ug matugyan na si Dela Rosa sa ICC.
Sa laing bahin, gipatin-aw sa legal counsel sa senador nga si Atty. Israelito Torreon nga gipanalipdan lamang ni Dela Rosa ang iyang mga katungod maong wala kini magpakita. Ginganlan ang senador isip usa sa mg