Subling gitubag ni bise presidente Sara Duterte ang mga pasangil sa administrasyon ni Marcos Jr., nga namulitika matud pa ang kampo sa mga Duterte.
Pagpamatuod niini, ang kasamtangang administrasyon ang mga gapamulitika batok kanila ug sa mga kaalyado sa iyang amahan diin daghang mga opisyal nga nailhan nga loyalista ni ex-Pres. Duterte ang gipa-lagpot, giimbestigahan, o gikasohan sukad niabot ang Marcos administration.
Sumala sa bise presidente, kini ang klaro nga nawong sa gapamulitika.
Subay sa maong pamahayag sa bise presidente, niulbo ang interes sa publiko human ipaambit ni Vice President Sara Duterte ang dako nga kausaban sa panglawas sa iyang amahan nga si kanhi Presidente Rodrigo Duterte, diin karon giingong minawang pag-ayo samtang naipit sa International Criminal Court (ICC).
Sa usa ka nga panaghisgot, gibutyag ni VP Sara nga nagkaluya ug nagkaluoy ang iyang pagbati pagkakita sa hulagway sa amahan nga mas payat, mas mingaw ang panan-aw, ug lahi ra gyud sa kasagara nilang makita kaniadto nga kusgan ug isog nga lider.
Bisan paman niini, positobong gipaambit usab niini nga mas maayo nga niwang ang iyang amahan aron makalikay sa heart issues.