Nanawagan ang Samahang Industriya ng Agrikultura (SINAG) sa administrasyon ni Presidente Ferdinand Marcos Jr. nga temporaryong undangon ang pag-import og karne sa baboy ug repasuhon ang kasamtangang taripa sa mga imported nga produkto.
Matud ni SINAG Executive Director Jayson Cainglet, nagsumite na ang Department of Agriculture (DA) og sugyot ngadto sa Tariff Commission alang sa pagpataas sa taripa sa imported nga baboy.
Gipasabot ni Cainglet nga ang Presidente adunay gahum sa pag-usab sa kasamtangang taripa pinaagi sa pagpagawas og bag-ong Executive Order, tungod kay ang miaging pagpaubos niini gibase usab sa maong direktiba.
Base sa datos sa grupo, mokabat sa 50 pesos ang kalainan sa presyo sa lokal ug imported nga kasim, samtang 80 pesos naman ang diperensya sa presyo sa liempo sa mga pampublikong merkado.