Alex Eala, makasangka si Talia Gibson sa Round of 16 sa Toray Pan Pacific Open

Gikatakdang makasangka sa Filipina tennis star nga si Alex Eala ang Australian player nga si Talia Gibson sa Round of 16 sa Toray Pan Pacific Open WTA 500 sa Tokyo, Japan.

Nakasulod si Eala sa maong hugna human gipukan ang British player nga si Mika Stojsavljevic pinaagi sa straight sets nga 6-1, 6-2.

Sunod niyang atubangon ang 22-anyos nga si Gibson, kinsa anaa sa World No. 38 ranking.

Sa laing bahin, dili na kini ang unang engkwentro sa duha ka tennis players, tungod kay kaduha na silang nagkasangka niadtong 2023 sa Spain ug England, diin parehong midaog si Eala.