Managlahing lihok sa presyo sa produkto sa lana, gipatuman karong adlawa

Gipatuman sa mga kompanya sa lana sugod alas-6 ning buntaga, Oktubre 27, ang bag-ong kausaban sa presyo sa mga produktong petrolyo.

Misaka og P1.20 matag litro ang presyo sa diesel ug P0.50 matag litro sa kerosene, samtang mikunhod og P0.30 matag litro ang presyo sa gasolina.

Matud sa Department of Energy (DOE), usa sa mga hinungdan sa kausaban sa presyo sa lana mao ang nagpadayong kagubot sa Middle East.