Gilaoman nga mobalik sa face-to-face classes ang mga estudyante sa Casisang human sa temporaryong pagsuspinde sa in-person classes tungod sa hulga batok sa usa ka maestra, subay sa koordinasyon sa Department of Education, kapulisan ug lokal nga pangagamhanan.
Gipadayag ni Schools Division Superintendent Dr. Cherry Mae Limbaco Reyes nga nagpadayon gihapon ang pagtuon sa mga estudyante pinaagi sa online ug modular classes samtang gisuspinde ang ilang pisikal nga pagtambong sa eskwelahan.
Isip dugang seguridad, gihangyo sa DepEd ang mga ginikanan nga mogamit og transparent nga envelope alang sa mga gamit sa estudyante aron mas sayon ang inspeksyon sa ilang mga bag. Kung dili kini mahimo, magpatuman ang eskwelahan og bag inspection aron mapanalipdan ang mga estudyante ug magtutudlo.
Samtang, nakig-coordinate na ang DepEd sa cybercrime unit aron matultolan ang gigikanan sa hulga nga gipadala pinaagi sa Messenger, nga gi-deactivate na. Gipadayag usab ni Reyes nga nagdeploy na sila og 12 ka guidance counselor sa mga eskwelahan, ug nagplano nga magdugang pa sa sunod semana aron matubag ang panginahanglan sa mga estudyante.