Patayng lawas sa wala pa mailhing tawo sa Don Carlos, padayong giila sa kapulisan

Padayong giimbestigahan sa kapulisan ang pagkaila sa bangkay sa usa ka wala pa mailhing tawo nga anaa karon sa Adlawan Funeral Homes sa Don Carlos, Bukidnon.

Matud sa imbestigador, wala pa silay natino nga person of interest kalabot sa kaso bisan nakig-alayon na sila sa ubang police stations sa rehiyon, lakip ang mga kapulisan sa Davao Region, ug sa mga opisyal sa barangay.

Gihulagway usab sa kapulisan ang biktima aron makatabang sa pag-ila sa iyang pamilya o mga kaila.

Gilaom nga ang bisan kinsang adunay impormasyon kalabot sa pagkatawo sa biktima moduol sa munisipyo o sa police station aron motabang sa imbestigasyon.