Mibutyag si House prosecution panel member Representative Jude Acidre nga misalig siyang makalahutay sa pagsusi sa depensa ug sa mga senador-hukom ang mga ebidensiyang gipresentar batok kang Vice President Sara Duterte sa impeachment trial.
Matud ni Acidre, ang mga rekord sa pinansyal nga transaksiyon ug ang mga kalainan sa mga deklarasyon sa Statement of Assets, Liabilities and Net Worth (SALN) maoy mga butang nga kinahanglan tubagon sa bise presidente.
Gipatin-aw usab ni Acidre nga padayon gihapong gihatagan og higayon si Duterte nga motubag sa mga alegasyon pinaagi sa tukmang legal nga mga proseso.
Gilaoman niyang mahuman ang presentasyon sa depensa ug makabotar ang Senado sa impeachment case human sa gibanabanang walo ka adlaw nga pagpresentar sa ilang ebidensiya.