20,000 ka estudyante ug magtutudlo, misalmot sa protesta sa Greece

Miabot sa kapin 20,000 ka estudyante ug magtutudlo ang miapil sa mga protesta sa 50 ka siyudad sa Greece kagahapong adlawa, Oktubre 21, aron ipanawagan ang mas dakong pondo alang sa edukasyon, dugang nga mga magtutudlo ug mas barato nga puluy-anan.

Sa Athens, nagmartsa ang mga demonstrador ug nagpahayag og pakighiusa sa mga batan-on sa France ug Spain, samtang gisaway ang nagkataas nga abang, kakulang sa mga kawani sa eskwelahan ug nagkadaot nga mga pasilidad sa mga unibersidad.

Sa pagkakarondunay mga report sa kasamok ug pagdakop sa pipila ka mga tawo sa Athens ug Thessaloniki, apan walay kumpirmadong report sa namatay o naangol sa mga tinubdan nga nasusi.