Bagyong Champi, usa na ka typhoon; posibleng mosulod sa PAR sa sunod semana isip Rosal

Usa na ka typhoon ang bagyong adunay international name nga Champi, nga anaa pa sa gawas sa Philippine Area of Responsibility (PAR), alas dos sa kaadlawon ning Sabado, Oktubre 17.

Aduna usab posibilidad nga molig-on pa kini ug mahimong super typhoon, samtang gilauman nga mosulod sa PAR sa umaabot nga semana ug pagatawgon sa lokal nga ngalan nga Rosal.

Bisan og gamay ang posibilidad nga modunggo sa yuta ang bagyo, gilauman gihapon nga magdala kini og mga pag-ulan sa sidlakang bahin sa Luzon ug Visayas.