Maglusad ang Office of the Vice President (OVP) og information campaign aron matabangan ang publiko nga masabtan ug maandam ang kaugalingon sa mga epekto sa El Niño.
Gipadayag kini ni VP Sara Duterte human sa sugyot ni Presidente Ferdinand Marcos Jr. nga mag-andam ang mga Pilipino og mga balde ug water filtration system alang sa posibleng kakulang sa tubig.
Wala direktang tubaga ni Duterte ang maong sugyot, apan miingon kini nga wala nay mapaabot sa Presidente.
Samtang, nagpahayag usab ang bise presidente og kaulaw tungod sa pagkakonektar sa Pilipinas sa ilegal nga drug trafficking sa rehiyon sa Southeast Asia.
Nagpasalamat usab kini sa mga gobyerno sa Laos ug Thailand sa ilang mga operasyon batok sa ilegal nga droga, nga matud niya, nakatabang sa daghang pamilyang Pilipino.