Drug den sa Bukidnon, gironda sa kapulisan; 5 dakpan!

Lima ka tawo ang nadakpan sa hiniusang operasyon sa Philippine Drug Enforcement Agency (PDEA)-10 ug kapulisan batok sa usa ka drug den sa Purok 5, Barangay Mibantang, Quezon, Bukidnon, pasado alas-6 sa gabii niadtongmilabay’ng adlaw.

Nakuha sa operasyon ang lima ka pakete sa gidudahang shabu nga may gibug-aton nga unom ka gramo ug nagkantidad og ₱40,800, lakip ang mga gamit nga gituohang gigamit sa ilegal nga droga.

Giila sa PDEA-10 ang lima ka nadakpan pinaagi sa ilang mga alyas nga Bossing, Roger, Mek, Encio ug Bebe.

Nag-atubang sila og kaso tungod sa paglapas sa Republic Act No. 9165 o Comprehensive Dangerous Drugs Act of 2002.