Natala nga adunay 2151 na ka mga pamilya ang apektado sa 7 ka mga Barangay sa syudad sa Malaybalay.
Matud ni Arian Johnson Caga-anan, Operations and Warning Division Head sa CDRRMO Malaybalay, nga nagpatawag og emergency meeting si Mayor Jay Warren Pabillaran kalabot sa Rapid Damage and Needs Assessment.
Gibutyag ni Caga-anan nga muaabot na sa 2151 ka pamilya sa 7 barangay sa Basakan District diin dunay 9701 indibidwal average 5 ka tao matag pamilya ang apektado.
Dugang pa niini, nga duna usab nadamyos nga 4 ka panimalay sa mga Barnagay sama sa Apo Macote, Simaya, Managok, Sinanglanan nga mukabat sa 155,000.
Miluwat usab kini nga dunay dul-an 23 milyones na ang damyos sa agrikultura sa mga nahisgutang Brangay.
Lakip usab iini ang 5 milyones nga panginahanglanon sa pag-ayo sa NEA, mga kanal ug uban pang kinahanglan nga ayuhon.
Ang lokal nga kagamhanan uban ang uban ahensya sama sa CSWD, naghatag 1800 food packs.
Samtang padayon pa sa assessment plan ang tanang ahensya alang sa paghatag sa kompletong kalkulasyon sa kinatibuk-ang damyos.