Giklaro sa Anti-Money Laundering Council o AMLC nga mahimong susihon ang P776 milyon nga financial inflow sa Calle 88 Foods Corporation, apan kinahanglan pa matino ang tinubdan sa kuwarta ug ang posibleng kalambigitan niini sa usa ka ilegal nga kalihokan.
Sa pagdungog sa impeachment trial, gipangutana si AMLC representative Atty. Ronel Binaventura kung mahimong basehan sa imbestigasyon sa money laundering ang maong kantidad, ilabina kung dili kini makita sa mga libro sa kompanya.
Matud ni Buenaventura, dili igo ang suspicious financial inflow aron awtomatikong matawag nga money laundering ang usa ka transaksyon.
Samtang giklaro usab sa opisyal nga dili absolute ang confidentiality sa mga rekord sa AMLC, ilabina kung gikinahanglan kini sa pagpasaka og kaso sa korte.
Gipasabot ni Binaventura nga gitugotan sa balaod ang awtorisadong pagbutyag sa impormasyon ngadto sa korte, lakip na alang sa pagkuha og freeze order.