Padayon ang imbestigasyon sa National Bureau of Investigation o NBI sa mga alegasyon ni Rodolfo Gracioso Jr., bisan pa man sa iyang pagpaagi sa lie detector test.
Giklaro ni NBI Director Atty. Melvin Matibag nga dili sila magsalig lamang sa resulta sa lie detector test ug kinahanglan gihapon nga ma-validate ang mga alegasyon ni Gracioso.
Matud ni Matibag, nahimo nang unang lakang sa imbestigasyon ang pag-establisar sa maong relasyon, nga sunod-sunod nilang susihon ang uban pang alegasyon.
Samtang, duha sa pito ka cash houses nga gihisgotan ni Gracioso ang giingong nakumpirma na sa NBI nga gipanag-iya sa mag-asawang Velasco.
Gipasabot sa opisyal nga apil sa maong mga balay ang gi-raid sa NBI niadtong Agosto 28 tungod sa report sa iligal nga armas, diin didto usab anaa si Rowena Velasco.