Nagmugna ang Pilipinas og bag-ong rekord sa ika-20 nga Asian Games sa Aichi-Nagoya, Japan human makatigom og 29 ka medalya sa pagtapos sa kompetisyon niadtong Domingo, Oktubre 4.
Kini na ang pinakadaghang medalya nga nadala sa nasud sa Asian Games sulod sa milabayng unom ka dekada, sukad sa 1966 nga edisyon sa Bangkok, Thailand.
Anaa sa ika-17 nga ranggo ang Pilipinas sa kinatibuk-ang talaan, human makadaog og upat ka bulawan, siyam ka silver ug 16 ka bronze nga medalya.
Wala man madugangang sa nasud ang upat ka bulawan nga nadaug kaniadto sa Jakarta-Palembang niadtong 2018 ug sa Hangzhou niadtong 2023, giila gihapon sa Philippine Olympic Committee nga malampuson ang ilang kampanya.
Matud ni POC President Abraham Tolentino, wala man modaghan ang bulawan, apan misaka ang ihap sa sulver ug bronze, nga nakatabang aron malabwan sa Pilipinas ang kaugalingong kinatibuk-ang ihap sa medalya sa miaging mga dula.