Gibungkag na sa aktor nga si Patrick Garcia ang iyang kahilom bahin sa isyu sa iyang paghatag og sustento sa anak nila sa aktres nga si Jennylyn Mercado.
Matud ni Garcia, dakong hagit alang kaniya ang pag-atiman sa ilang anak nga si Jazz tungod kay dili kini nagpuyo uban kaniya.
Miingon usab kini nga sukad 2021, makadaghang higayon siyang misulay og duol kang Jenelyn apan wala matud pay nakuhang tubag.
Giklaro ni Patrick nga naputol ang ilang komunikasyon ug ang iyang paghatag og sustento tungod sa ilang dili pagsinabtanay ug tungod kay dili niya makauban ang iyang anak.
Sumala pa niini, nakadesisyon siyang mosulti tungod sa mga pagsaway nga iyang nadawat, ug gi-awhag usab kini sa iyang anak nga si Michelle nga ipatin-aw na ang iyang bahin sa isyu.