Duha ka Pilipino ang namatay samtang walo pa ang grabeng nasamdan human nga maaksidente ang tourist bus nga sakay sa 33 ka Filipino tourists sa A96 highway sa Buchloe, Bavaria, Germany. Ang grupo padulong unta sa Munich aron motambong sa Oktoberfest.
Matud sa German police, nilikay sa dalan ang bus alas-5:41 sa buntag ug misunggo sa kilid sa highway sa wala pa kini matumba.
Wala’y laing sakyanan nga nalambigit sa insidente, samtang ang duha ka Italian bus driver wala samari.
Usa sa duha ka namatay giila nga 58-anyos nga Pilipino, samtang padayon pa ang pag-ila sa ikaduhang biktima.
Nagkoordinar na ang Philippine Consulate General sa Frankfurt ug Munich sa German authorities alang sa mga nasamdan ug ilang mga pamilya. Samtang, padayon pa ang imbestigasyon sa hinungdan sa aksidente.