Napili ang Pilipinas isip host sa FIBA Women’s Asia Cup sa 2027.
Matud ni FIBA Executive Director-Asia Hagop Khajirian, nagkanayon nga naghinam-hinam silang mobalik sa Pilipinas alang sa FIBA Asia event.
Mao kini ang unang higayon nga ang Pilipinas mo-host og continental-level basketball event sukad niadtong 2013.
Dugang pa ni Khajirian, nga nagtuo kini nga ang pag-host sa FIBA Women’s Asia Cup sa Pilipinas makatabang sa pagpasiugda og dugang interes sa mga babaye sa pag-dula sa sports nga basketball.
Samtang si Samahang Basketbol ng Pilipinas President Al Panlilio, nagkanayon nga nalipay usab nga napili ang Pilipinas nga mo-host sa FIBA Women’s Asia Cup 2027. Matud pa ni Panlilio, nga sukad pa kaniadto, hugot nga kauban niini ang FIBA sa paghatag prayoridad sa paglambo sa women’s basketball.
Ang Pilipinas anaa na sa rolyo sa women’s basketball tungod sa daghang mga Pinoy nga magdudula ang gikuha na sa ubang mga nasud.
Kahinumdoman nga niadtong tuig 2013, ang Pilipinas maoy nag-host sa FIBA Asia Championship diin ang Pilipinas nahimong runner-up ug nakasulod sa 2014 FIBA Basketball World Cup.