Gikumpirma ni U.S. President Donald Trump nga miuyon na ang Israel sa 60 ka adlaw nga ceasefire sa Gaza, diin nagpaabot na lang sila sa tubag sa Hamas. Matud ni Trump, ang Qatar ug Egypt ang miuyon na sa maong tanyag nga gilauman nga dawaton sa Hamas aron malikayan ang mas grabe nga kagubot.
Makigkita usab si Trump ug Israeli Prime Minister Benjamin Netanyahu sa White House sa Hulyo 7 aron hisgutan ang ceasefire ug ang pagpagawas sa mga bihag. Sa pagkakron wala pa maghatag sa klarong detalye si Netanyahu sa tibuok detalye sa maong lakang.
Bisan pa man niini, nagduha-duha pa ang Hamas sa gitanyag nga ceasefire nga gitawag ni Trump nga “best and final offer.”
Samtang kapin 150 ka international humanitarian groups ang nag-awhag nga hunongon na ang gubat ug ayohon ang distribusyon sa tabang sa Gaza.
Nagpahimangno usab si Israel Defense Minister Israel Katz batok sa posible nga missile attack gikan sa Houthi rebels sa Yemen, samtang nagpabilin ang ilang suporta sa Gaza hangtod matapos ang giila nilang agresyon sa lugar.