Ebola outbreak sa Congo miabot na sa kapin 7,000 ka kaso; 3,398 na ang nangamatay

Miabot na sa 7,022 ang natala nga natakboyan sa Ebola virus sa Democratic Republic of the Congo (DRC), diin 3,398 na ang nangamatay sa giila nga labing grabe nga outbreak sa kasaysayan sa maong nasod.

Subay sa taho sa mga awtoridad, gipahinabo sa Bundibugyo variant ang maong ika-17 nga outbreak nga nagsumikad sa lalawigan sa Ituri. Naglisod sa pagpukgo sa sakit ang mga tambalanan tungod sa kakuwang sa pasilidad ug sa nagpadayong panagbangi tali sa mga armadong grupo sa maong dapit.

Sa kasamtangan, wala pa’y opisyal nga bakuna o tambal nga naaprubahan alang sa maong matang sa Ebola samtang padayon ang pagtuon sa mga eksperto aron maphunong ang pagkaylap niini.