Nagpagawas og bag-ong kanta ang iconic dance group nga SexBomb Girls nga gitumong alang sa henerasyon nga nidako sa pagtan-aw ug pagsunod sa ilang mga kanta ug sayaw.
Sa ilang bag-ong kanta nga “Mama Mama,” gipahinungod sa grupo ang kanta ngadto sa ilang mga fans nga ilang gitawag og “mga pinalaki ng SexBomb,” samtang gipakita usab sa music video ang retro Hollywood housewife-inspired nga estilo sa ilang pagsayaw.
Gipakita usab sa music video ang pipila ka P-Pop groups sama sa CLOUD 7, DNA, AJAA, YGIG, 1621, MEIMEI, FINA ug YES MY LOVE.
Gipasalamatan usab ni Rochelle Pangilinan ang mga fans nga padayong nagsuporta sa SexBomb Girls.
Unang nag-reunite ang grupo alang sa usa ka concert sa Araneta Coliseum niadtong Disyembre, apan tungod sa kusog nga demand sa mga fans, nadugangan pa ang ilang mga show ug nakahimo usab sila og world tour sa Australia ug Estados Unidos.