Gipasabot sa House prosecution panel nga adunay igo nga mga dokumento ug ebidensya nga ilang gihuptan batok kang Vice President Sara Duterte kabahin sa alegasyon sa dili mapasabot nga kabtangan.
Nadawat na usab sa House prosecution panel sa mga bank ug tax records ni Vice President Sara Duterte, sa iyang bana nga si Atty. Manases Carpio, ug sa ilang mga kompanya nga gamiton alang sa Article II o unexplained wealth allegation.
Sumala ni Bicol Saro Representative Terry Ridon, susihon sa prosecution ang maong mga dokumento ug itandi kini sa SALN ni Duterte ug sa mga rekord sa Anti-Money Laundering Council kon AMLC aron mahibal-an kung motakdo ba ang iyang mga kabtangan ug financial transactions sa iyang gidiklarang kita ug lehitimong tinubdan sa bahandi.
Gitan-aw usab sa House prosecution panel ang posibilidad nga laktawan ang Article III o bribery aron mapamubo ang impeachment trial, apan wala pa silay pinal nga desisyon bahin niini.