Gilauman sa Kamara de Representantes ang pag-ani ug suporta sa OpenBicam campaign nga nagtumong sa pag-abli sa bicameral conference committee deliberations sa National budget, Sumala ni Atty. Princess Abante, tigpamaba sa Kamara.
Ang maong kampanya gisuportahan ni Rep. Martin Romualdez ug ubang lider sa Kongreso aron masiguro ang transparency ug accountability sa proseso sa pag-apruba sa national budget. Gusto sa mga magbabalaod nga makita sa publiko kung giunsa pagsabot sa Senado ug Kamara sa pinal nga bersyon sa General Appropriations Bill.
Ang bicameral conference committee ang katapusang bahin sa budget process human maaprobahan ang lahi-lahi nga bersyon sa duha ka kapulungan.
Sa pagkakaron, napadagan na sa Kamara ang live nga committee hearings bahin sa budget, ug buot nilang palapdan pa kini ngadto sa bicam. Ang pag-institusyonal sa Open Bicam kabahin sa mas halapad nga kampanya aron mas mapalig-on ang kasaligan sa publiko sa paggasto sa pondo sa gobyerno ug masiguro nga ang budget nagtubag sa tinuod nga panginahanglan sa katawhan.