Gikuwestiyon sa kampo prosecution ang depensa kalabot sa kakulang sa personal nga kahibalo ni Atty. Michael Poa kabahin sa paggamit sa confidential funds, samtang gipamugos niini ang mga alegasyon sa misuse, misappropriation ug irregular liquidation sa maong pondo.
Subling giduso ni prosecution spokesperson Robert Ace Barbers, giingong sayop ang paggamit sa confidential funds alang sa mga butang sama sa mga lamesa ug lingkuranan, desktop computers, groceries, medisina, tree planting ug Christmas parties.
Giklaro niini nga wala kini’y kalabotan sa gitakdang paggamit sa confidential funds ubos sa Joint Circular.
Samtang, giingon ni Barbers nga aduna usab alegasyon sa misappropriation human giingong gipangayo ni Vice President Sara Duterte nga ihatag kang Col. Dante Lachica ang kwarta nga gi-withdraw gikan sa LandBank, bisan pa nga dili kini bonded o otorisadong disbursing officer.
Gipasaka usab sa prosecution ang isyu sa irregular liquidation sa confidential funds, diin giingong wala nasunod sa ahensya ang mga requirement sa Commission on Audit bisan human kini makadawat og Audit Observation Memorandum.