7 ka mga barangay sa syudad sa Malaybalay ang ipailaom sa State of Calamity tungod sa dakong damyos nga hatud sa nasinatiang pagbaha.
Sumala ni Malaybalay City Mayor Jay Warren Pabillaran nga human sa gipahigayong Rapid Damage Assessment and Needs Analysis kon (RDANA) sa lokal nga kagamhanan sa Malaybalay masuta ang kahimtang ug panginahanglan sa mga barangay nga naapektuhan sa pagbaha.
23 Milyunes pesos ang natalang damyos sa agrikultura tungod sa nahitabong dakong pagbaha ning syudad gawas pa kini sa mga panimalay nga nadaot.Dugang pa nga 729 ektarya nga kahumayan ug kamaisan ang apektado.
Tungod niini giplastar na sa lokal nga kagamhanan ang mga lakang aron nga matabangan ang naapektuhang mga katawhan .Gibutyag sa Mayor nga bisan nga adunay pondo ang kagamhanan nakita nga kulang kini maong dunay panginahanglanon nga ipalalom sa State of Calamity ang apektadong Barangay gilangkuban sa Managok, Violeta, Simaya, Apo Macote, Sinanglanan, Sto. Niño, ug San Martin.