Opisyal nang nagsugod kagahapon sa alas-12:01 sa udto ang termino sa ika-20 nga Kongreso nga gilauman nga modungog sa impeachment case batok ni Bise Presidente Sara Duterte.
Gani laumang manumpa na ang bag-ong mga membro sa Senado isip senator-judges alang sa impeachment trial ni Vice President Sara Duterte.Sa pagsugod sa termino sa 20th Congress ang Senate impeachment court naa nasab sa session.Samtang sama sa naandan, nagpresentar na usab ang mga senador sa ilang tagsa-tagsa ka mga sugyot balaodnon nga ilang isulong sa kasamtangang Kongreso.Sa sinugdanan, nagkauyon ang mga senador nga dili magdungan sa pagpresentar sa ilang unang 10 ka balaod.
Nanguna sa gipagawas nga listahan para sa first round si Senador JV Ejercito nga gisundan nila Senators Robin Padilla, Pia Cayetano, Panfilo Lacson, Joel Villanueva, Senate President Francis “Chiz” Escudero, ug Rodante Marcoleta. Sunod na niini ang uban pa nga mga senador.Sa ikaduhang round sa pagpasa sa mga sugyot balaodnon, si Senador Joel Villanueva ang unang mopasa ug sunod si Senador Erwin Tulfo.Samtang, giingon ni Senador Erwin Tulfo nga base sa iyang nadungog, manumpa ang mga bag-ong senador sa atubangan ni Escudero isip mga senator-judges alang sa impeachment trial batok kang Duterte.
Gikumpirma ni Tulfo nga wala siya apil sa mga miyembro sa House of Representatives nga mipirma sa impeachment complaint batok kang Duterte tungod kay posibleng siya mahimong usa sa mga huwes sa trial.Apil si Tulfo sa mga senador nga nagtuo nga angay nga adunay trial aron masayran sa mga katawhan kung unsa gyud ang basihan sa kaso batok sa Bise Presidente.