Gisaulog karong Agosto 31 ang National Heroes Day sa tibuok Pilipinas, diin gipangulohan ni Presidente Ferdinand Marcos Jr. ang pagpasidungog sa mga bayani nga nagsakripisyo alang sa kagawasan ug soberanya sa nasud.
Gipasidunggan ni Presidente Ferdinand Marcos Jr. ang mga Pilipinong nagsakripisyo alang sa kagawasan ug dignidad sa nasud sa iyang mensahe alang sa National Heroes Day.
Gipahayag sa Presidente nga ang kabayanihan nagpadayon sa matag henerasyon, lakip ang mga OFW, sundalo, pulis, tigresponde ug ordinaryong Pilipino nga nag-alagad ug nagsakripisyo alang sa isigkatawo.
Matud ni Marcos, responsibilidad sa matag Pilipino ang pagpanalipod sa nasudnong interes, pagsunod sa balaod ug pagpanalipod sa soberanya sa Pilipinas.
Gihangyo usab niya ang mga Pilipino nga suportahan ang mga mananagat, batukan ang sayop nga impormasyon ug ipangayo ang transparency ug accountability sa mga institusyon.