Meta, misaad nga motubag sa hangyo sa otoridad kung adunay hulga sa kapintasan

Misaad ang Meta nga mas paspas kining motubag sa mga hangyo sa mga otoridad sa Pilipinas alang sa impormasyon kung adunay klarong timailhan sa hulga sa kapintasan.

Matud ni Sen. Risa Hontiveros, kinahanglan mohatag ang Meta og impormasyon ug datos sa kalihokan sa mga gagamit sa maong social media nga posibleng makaimpluwensiya sa dili maayo nga binuhatan.

Gipahayag ni Hontiveros nga ang maong saad sa Meta usa ka maayong kalamboan samtang gipaabot ang pagpasa sa Senado sa Child Online Safety and Protection Act.  

Samtang, gipalig-on usab niini ang iyang pagduso sa Republic Act Number 11930, o ang balaod batok sa pag-abuso ug pagpahimulos sa mga bata pinaagi sa internet ug sa mga content nga may kalabotan niini.