Giingong sa kampo sa prosekusyon nga halos parehas o templated ang mga tubag ni kanhing OVP Special Disbursing Officer Gina Acosta ug OVP Assistant Secretary Lemuel Ortonio bahin sa paggamit sa confidential funds ni Vice President Sara Duterte.
Kini ang gibutyag ni kanhing Surigao del Norte Rep. Ace Barbers atol sa gipahigayon nga press conference subay sa pagdungog sa impeachment case ni VP Sara.
Matud ni Barbers, parehong mitudlo kang Colonel Raymund Dante Lachica sila Acosta ug Ortonio sa dihang gipangutana bahin sa pagpatuman sa confidential funds nga parehong gideklara matud pa sa mga hostile witnesses nga sila Acosta ug Ortonio sa Senate Impeachment Court.
Dugang pa ni Barbers, mas napalig-on sa pamahayag ni Ortonio ang testimonya ni Acosta, ilabina sa pangutana kung nganong gisalig kang Lachica ang confidential funds bisan dili kini special disbursing officer o bonded accountable officer.