Nagpositibo sa drug testing ang usa ka regular nga kawani sa gobyerno sa Valencia City.
Sa pakighinabi sa Bombo Radyo Malaybalay kang ni Atty. Heinz G. Villanueva sa City Legal Office, gibutyag niini nga padayon ang pagpapahigayon og surprise drug-testing diin nagpositibo ang usa sa mga regular nga emplyeado sa usa sa mga buhatan sa dakbayan.
Matud ni Villanueva, ipadala sa rehabilitation ang maong empleyado ug mahimong pasakaan og kaso kung dili kini motuman sa gikinahanglang proseso.
Samtang, nanawagan usab si Atty. Villanueva sa mga ginikanan nga kanunay bantayan ug pakigsultihan ang ilang mga anak, ilabina bahin sa ilang mga problema.
Gipasabot ang kamahinungdanon sa pag-monitor sa mga anak aron malikayan ang posibleng mga insidente nga makaapekto sa ilang seguridad.
Gidugang ni Villanueva nga gimandoan na ang hepe sa kapulisan sa Valencia City nga siguruhon ang seguridad sa mga eskwelahan.