Napugngan sa Federal Bureau of Investigation o FBI ang botnet nga giingong gigamit sa Chinese hacking group nga QTFY sa pag-target sa pipila ka kritikal nga imprastraktura sa Estados Unidos.
Sumala sa FBI, nasuta sa ilang imbestigasyon nga konektado ang QTFY sa Nanjing Xinjiuwei Network Technology Company, nga giingong namaligya og kinawat nga datos ug serbisyo sa pagpang-hack ngadto sa militar ug mga ahensya sa China.
Lakip sa mga giingong nabiktima sa hacking operation ang National Aeronautics and Space Administration, Federal Reserve, Department of Energy, Department of Justice, Department of Health and Human Services, National Institutes of Health ug US Senate.
Samtang, gipahibalo sa US Department of Justice nga napugngan na usab niini ang duha ka hacking platform nga giingong gipadagan sa China.