Mitaliwan na ang British actor nga si Tim Curry sa edad nga 80-anyos.
Sumala sa iyang publicist nga si Sean Katz, namatay ang aktor sa iyang panimalay sa Toluca Lake, Los Angeles.
Niresponde ang kapulisan sa report bahin sa usa ka walay kinabuhi nga lalaki sa maong pinuy-anan. Gikumpirma sa Los Angeles Fire Department nga ilang gihatagan og medical attention ang aktor, apan wala na kini maluwas. Sa pagkakaron wala pa gipadayag sa mga otoridad ang hinungdan sa iyang kamatayon.
Niadtong 2012, nakasinati si Curry og major stroke ug sukad niadto naghambin na kini og mga problema sa panglawas.
Nailhan siya sa “The Rocky Horror Picture Show” niadtong 1975 ug sa fantasy film nga “Legend.” Mas misikat pa siya sa dekada 90 isip demonic clown nga si Pennywise sa “IT.”
Si Timothy James Curry natawo niadtong Abril 19, 1946 sa Grappenhall, England.
Nakuha niini ang iyang college degree sa teatro niadtong 1968 ug unang mitungha sa production sa “Hair” sa wala pa misunod ang daghang mga papel sa pelikula ug telebisyon.