Gipalig-on ang contingency plan sa Valencia City aron maandam ang mga eskwelahan sa posibleng insidente sa active shooter, lakip ang orientation alang sa mga school officials ug magtutudlo.
Gipasabot ni Valencia City Administrator Atty. Heinz Villanueva nga kabahin kini sa mga lakang aron masiguro ang kaluwasan sa mga estudyante ug mga kawani.
Gisuportahan usab sa administrasyon ang dugang police visibility sa mga eskwelahan, samtang wala pa magpahigayon og bag-ong meeting ang Local School Board sukad sa ilang miting niadtong miaging bulan.
Kahinumduman usab nga aduna nay indibidwal nga nadakpan sa insidente ug miangkon nga siya ang nag-post sa hulga diin matud pa gipailawom na kini sa CSWD Bahay Pag-asa alang sa hustong intervention tungod kay menor de edad pa kini.
Giawhag usab ang mga ginikanan nga bantayan ang social media activity sa ilang mga anak ug motaho dayon sa kapulisan kung adunay makit-ang hulga o kadudahang kalihokan.