Nagpaayo karon sa tambalanan ang usa ka 55-anyos nga lalaki human gidunggab sa tiyan sa duha ka silingan sa Purok 13, Rubber Village, Musuan, Barangay Dologon, Maramag, Bukidnon niadtong Agosto 23 sa gabion.
Subay sa report ni Bukidnon Police Provincial Office (Buk PPO) Director PCOL Oliver Sotto Navales gikan sa Maramag Municipal Police Station (MPS), nahitabo ang insidente mga alas 8:00 sa gabion. Nasayran nga daan nang adunay personal nga pagdumot ang biktima ug ang mga suspek—nga gipang-ila nga usa ka 52-anyos ug 32-anyos nga mga lalaki—tungod sa lalis sa agianan atbang sa balay sa biktima.
Giasoy sa kapolisan nga una nga gilabay og bato sa mga suspek ang balay sa biktima. Dihang gisita sila sa biktima, gitabangan kini sa duha ug gidunggab sa 52-anyos nga suspek sa tiyan sa dili pa misibat ang mga akusado. Dali nga gidala sa iyang asawa ug kabanay ang biktima sa CMU Laboratory Hospital ug gipasa sa Sanitarium Hospital alang sa dugang pagtambal.
Pinaagi sa gipahigayon nga hot pursuit operation sa Maramag MPS, nadakpan ra usab gilayon ang duha ka suspek ug kasamtangan nang gitipigan sa stasyon sa kapolisan alang sa