Nagpagawas og bug-at nga pasidaan ang Israel batok sa Hamas nga mopahigayon kini og mas gipahugtan nga operasyon militar sa Gaza kon dili mohunong ang pagpalupad og mga tabanog, drone, ug mga lobo padulong sa ilang teritoryo.
Pinaagi sa pormal nga pamahayag gikan kang Prime Minister Benjamin Netanyahu ug Defense Minister Israel Katz, gipasidaan sa gobyerno sa Israel ang pagpabahag sa mga residente ug ang pagpahigayon og aksyon sa mga dapit nga gipanggikanan sa maong mga pagpalupad. Sumala sa militar sa Israel, nagtuo sila nga gigamit kini sa Hamas aron pagsusi sa ilang sistema sa panalipod (defense response) kasunod sa napalgan nga labaw sa 10 ka mga tabanog duol sa border sa milabay nga mga adlaw.
Sa pikas bahin, gihimakak sa Hamas ang maong alegasyon ug gipahayag nga gipalupad ra ang mga tabanog sa mga bata alang sa kalingawan taliwala sa kaguba sa gubat. Giakusahan usab sa grupo ang Israel nga gigamit lamang kini nga rason aron magpahigayon og mga airstrike sa tunga-tungang bahin sa Gaza diin tulo ka tawo ang napatay.