Kakulangon sa suplay sa tubig sa syudad sa Malaybalay ang dakong hagit alang sa mga residente.
Gumikan niini, gitawag na usab ang atensyon sa mga liderato sa lokal nga panggamhanan sa syudad sa Malaybalay nga tagaan og aksyon ang kakulangon sa suplay sa tubig ug palpak nga serbisyo sa Prime water.
Matod ni Chelsea Bien, residente sa syudad sa Malaybalay, nga padayong nagaantos sa kakuwangon sa tubig ug dakong hagit ang pagpangita og limpyo ug luwas nga tubig.
Dugang pa niini, nga dugay na nga walay tarong serbisyo ang prime water, apan matingala kini nga dako gihapon ang bayrunon niini sa tubig.
Giawhag niini ang mga ahensya nga dunay kalabutan sa panubig nga aksyonan ang dugay na nga problema sa komunidad ug tubagon ang mga reklamo batok kanila.