Kapin usa ka bulan human matapos ang FIFA World Cup 2026, gipagawas na sa FIFA Disciplinary Committee ang desisyon may kalabot sa kagubot nga nahitabo sa pagtapos sa Finals match.
Sa desisyon sa komite, unom ka players ang gipamulta ug gisilotan tungod sa ilang mga paglapas:
Leandro Paredes – gipamulta og $90,000 ug dili makaduwa sa 10 ka international matches.
Nahuel Molina – gipamulta og $90,000 ug dili makaduwa sa pito ka international games.
Pablo Gavi – gipamulta og $30,000 ug usa ka duwa nga ban.
Thiago Almada – gipamulta og $30,000 ug usa ka duwa nga ban.
Roberto Ayala, team official – gipahamtang og tulo ka duwa nga ban.
Pablo Martín Páez Gavira – usa ka duwa nga ban.
Gipamulta usab ang Argentinian Football Association og kapin $321,000 tungod sa pipila ka breaches o paglapas nga nahitabo sa ilang kampanya sa World Cup Finals batok sa Spain.
Ang maong desisyon gisundan sa disciplinary proceedings nga gihimo sa FIFA human sa kontrobersiyal nga kagubot sa ulahing bahin sa Finals match.
Sa maong torneyo, gikoronahan ang Spain isip World Cup champion, samtang nakuha sa Argentina ang silver trophy human sa ilang panaw isip defending champion.