- Advertisement -
Nagmugna ug kasaysayan ang sikat nga singer nga si Lea Salonga isip unang Filipina nga makadawat og star sa Hollywood Walk of Fame. Ihatag ang ika-2,855 nga star kang Salonga sa Septyembre 4 sa Hollywood Boulevard, atubangan sa The Pantages Theatre.
Giila sa Hollywood Chamber of Commerce si Salonga isip trailblazer tungod sa iyang kontribusyon sa teatro ug pagdasig sa mga tumatan-aw sa tibuok kalibutan.
Ilado si Salonga sa iyang Tony Award-winning performance isip Kim sa Miss Saigon. Siya usab ang singing voice ni Mulan sa Mulan ug Mulan II, ingon man sa Princess Jasmine sa Aladdin.
- Advertisement -
Dugang pa, pasidunggan usab siya og Icon Award sa Manila International Film Festival Closing Night Awards Gala sa Septyembre 6 sa Beverly Hills, California.
- Advertisement -