Gigamit sa House Prosecution Panel ang duha ka trial day nga wala nadayon tungod sa kalamidad aron balikan ug susihon ang mga ebidensya, testimonya ug uban pang impormasyon nga anaa batok kang Vice President Sara Duterte.
Matud ni panel adviser ug kanhi Rep. Ace Barbers, wala mahimong babag ang kalamidad sa pagrepaso sa panel sa dagan sa kaso batok sa bise presidente ug sa pagtuon kung giunsa pa pagpalig-on ang ilang mga argumento.
Bisan adunay mga pagkansela sa trial days, naglaom ang House panel nga mas mapadali pa ang pag-uswag sa impeachment trial batok sa bise presidente.
Tungod niini, gihisgutan ang posibilidad nga madugangan og usa ka adlaw ang kasamtangang tulo ka adlaw kada semana nga schedule.
Matud ni Barbers, posible nga himoon ang Biyernes isip dugang nga trial day.
Naglaom usab ang House panel nga uyonan sa Impeachment Court ang ilang hangyo nga ideklarar si Edward Fajarda isip hostile witness kung ipresentar na siya sa panel sa umaabot nga mga adlaw.