Magpulong ang mga senator-judge sa Lunes aron hisgutan ang schedule sa impeachment trial ni Vice President Sara Duterte, human sa mga bag-ohay nga pagkansela sa mga hearing tungod sa mga kalamidad sa nasod.
Matud ni senator-judge Erwin Tulfo, magpulong ang majority ug minority block sa lounge sa Lunes aron makuha ang consensus sa kadaghanan sa mga miyembro kung uyon ba sila nga ibalhin sa hapon ang impeachment trial aron madugangan ang oras sa pagdungog ug mapadali ang pag-uswag sa kaso.
Samtang, matud ni Sen. Panfilo Lacson, sentimyento sa kadaghanan sa mga senator-judge nga ibalhin sa alas-2:30 sa hapon pataas ang impeachment trial sugod sa Septiyembre 1.
Kahinumdoman nga una nang girekomendar ni senator-judge Juan Miguel Zubiri ang pagbalik sa mga sesyon sa buntag ug ang impeachment trial sa hapon.