Philippine Stock Exchange index (PSEi) misaka pag-usab, peso milig-on batok sa dolyar

Misaka pag-usab ang Philippine Stock Exchange index o PSEi niadtong Huwebes, human sa tulo ka sunod-sunod nga adlaw nga pag-us-os, tungod sa pagbalik sa risk appetite sa mga investors ug bargain-hunting.

Misaka og 1.30 porsyento ang PSEi ngadto sa 6,238.46 puntos, samtang misaka usab og 1.14 porsyento ang All Shares Index ngadto sa 3,435.23 puntos.

Samtang, misaka usab ang bili sa Philippine peso batok sa US dollar, diin misira kini sa ₱61.67 kada dolyar, mas lig-on itandi sa ₱61.81 niadtong Miyerkules.

Miabli ang piso sa ₱61.70 ug naglihok tali sa ₱61.49 ug ₱61.70 atol sa trading session. Samtang, miabot sa US$2.1 bilyon ang trading volume.