Miabot sa 150 ka mga corgi gikan sa siyam ka nasod ang misalmot sa tinuig nga Corgi Race Vilnius, usa ka sikat nga lumba sa mga corgi nga gihimo sa Vilnius, Lithuania.
Dili lamang lumba ang gipahigayon sa maong kalihokan.
Lakip usab sa mga kompetisyon ang costume contest, “Smartest Nose” tracking competition, puzzle-solving contest, ug ang “Mightiest Voice” barking contest.
Lakip sa mga nasod nga girepresentahan sa mga corgi ug ilang mga tag-iya ang Latvia, Poland, Estonia, Germany, Ukraine, Czech Republic, Britain ug United States.
Ang unang Corgi Race Vilnius gihimo niadtong 2020, diin duha lamang ka corgi ug ilang mga tag-iya ang miapil isip friendly competition.
Apan sa paglabay sa mga tuig, misikat ang maong kalihokan ug nahimong international event nga gitambongan sa mga corgi ug dog owners gikan sa lain-laing nasod.
Gikan sa gamay nga lumba sa duha ka corgi, nahimo kini karon nga dako ug internasyonal nga selebrasyon sa mga corgi, nga naglakip dili lamang sa lumba, kundili usab sa costume, pangita gamit ang pangsimhot, pagsulbad og puzzles ug kompetisyon sa pinakalig-on nga pag-uwang.