House Prosecution, miuyon sa tinguha ni VP Sara Duterte alang sa paspas nga proseso sa impeachment trial

Gisuportahan sa House Prosecution Team ang tinguha ni Vice President Sara Duterte nga mapadali ang impeachment trial sa Senado, apan giingon ni Prosecution Counsel ug Spokesperson Atty. Benjamin “Jay” Tolosa Jr. nga dili angay nga madali ang proseso kung maapektuhan ang kompleto nga presentasyon sa ebidensya.

Matud ni Tolosa, andam ang prosecution sa paspas nga proceedings ug ipakita na nila kini pinaagi sa pagdispense sa pipila ka mga witness sa grave threats issue.

Apan matud ni Tolosa nga adunay mga delay nga dili malikayan, ilabina tungod sa dili maayong panahon.