P21.48 trilyon nga utang sa Pilipinas sa 2027, dili angay kabalak-an – Department of Budget and Management

Gipadayag sa Department of Budget and Management o DBM nga manageable gihapon ang utang sa Pilipinas ubos sa gisugyot nga P7.2-trilyon nga national budget alang sa 2027.

Sumala kang Acting Budget Secretary Kim De Leon, adunay igo nga pondo sa budget alang sa pagbayad sa utang ug sa interes niini.

Gibanabana nga modugang og P1.7 trilyon ang utang sa Pilipinas sa sunod tuig tungod sa budget deficit.

Gikan sa P19.07 trilyon nga utang niadtong Hunyo, gilauman nga mosaka kini sa P19.75 trilyon sa kataposan sa 2026 ug posibleng moabot sa P21.48 trilyon sa kataposan sa 2027.

Matod sa DBM, ang proposed 2027 budget nagpakita og mas disiplinadong paggasto samtang gihatagan og prayoridad ang long-term development ug importanteng serbisyo publiko.