Remulla nanawagan og mas estrikto nga gun laws human sa mga insidente sa pagpamusil sa eskwelahan

Nanawagan si Interior Secretary Jonvic Remulla sa Kongreso nga maghimo og mas estrikto nga balaod sa pagpanag-iya ug pagtipig sa mga armas, human sa makamatay nga mga insidente sa pagpamusil sa mga eskwelahan sa Zamboanga City ug Tacloban City.

Gisugyot ni Remulla nga adunay criminal liability ang gun owners nga mapakyas sa hustong pag-secure sa ilang mga armas, ilabina kung kini magamit sa laing tawo sa paghimo og krimen.

Dugang pa sa panawagan sa kalihim, nga himuong non-bailable offense ang pagpanag-iya sa loose o illegal firearms, nga iyang giingong nalambigit sa dakong bahin sa mga krimen nga may kalabotan sa armas.