Gisusi ni Pangulong Ferdinand Marcos Jr. ang sitwasyon sa Metro Manila human sa grabeng pag-ulan nga dala sa Habagat, lakip ang epekto sa pagbaha ug mga lakang sa gobyerno aron matubag ang sitwasyon.
Sumala sa Presidente, makita na ang epekto sa mga flood mitigation measures sa pipila ka lugar, diin mas ubos na ang lebel sa baha ug mas paspas na usab ang pag-agos ug paghupay niini.
Samtang, nanawagan ang Malacañang sa media ug publiko nga mahimong mas maampingon ug responsable sa pagreport sa mga insidente sa pagpamusil sa mga eskwelahan, ilabina kung mga menor de edad ang nalambigit.
Gipasidaan ni Palace Press Officer Undersecretary Claire Castro nga likayan ang paghatag og sobra o sensitibong detalye nga mahimong mosangpot sa copycat acts, ug gipasiugda ang pagpanalipod sa dignidad, pribasiya ug kaluwasan sa mga menor de edad.