Gipadayag ni kanhi Surigao del Norte Representative ug House Prosecution Panel spokesperson-adviser Robert Ace Barbers nga padayon ang ilang pagpangandam bisan pa nga duha ka trial day ang wala nadayon tungod sa dili maayong panahon.
Matud ni Barbers, daan nang giandam sa prosecution panel ang mga ebidensya ug mga pangutana alang sa ilang mga witness aron malikayan ang kalibog sa mga sunod nga pagdungog.
Samtang, gipasabot ni Barbers nga mahimong mas daghan pang detalye kabahin sa paggamit sa confidential funds ang mogawas sa mosunod nga mga adlaw.
Human sa testimonya ni Gina Acosta, kanhi Special Disbursing Officer sa OVP, gilauman nga tutokan usab ang testimonya ni Edward Fajardo, Special Disbursing Officer sa Department of Education, ilabina sa pagdumala, pag-disburse ug pag-withdraw sa confidential funds sa DepEd.