MALAYBALAY CITY, BUKIDNON — Gipahugtan sa Bukidnon Police Provincial Office (Buk PPO) ang seguridad sa tanang eskwelahan sa lalawigan aron mapugngan ang pagdala sa mga estudyante og armas ug uban pang peligrosong gamit sulod sa mga campus.
Sa pakighinabi sa Bombo Radyo Malaybalay, gipahayag ni Buk PPO spokesperson PCpt. Sheila Joy P. Jangad nga gimandoan na ang tanang police stations nga makig-alayon sa mga security guard, katudloan, ug LGU alang sa mas subsob nga pagkapkap ug pag-inspeksyon sa mga bag sa estudyante. Gihangyo usab ang mga ginikanan pinaagi sa PTA meetings nga subayon ang ilang mga anak, samtang naghatag usab ang kapolisan og emergency hotlines sa mga tunghaan alang sa paspas nga pagresponde.
Dungan niini, gipahinumdoman ni Jangad ang mismong mga pulis nga itipig sa luwas nga dapit ang ilang mga armas-militar aron dili magamit sa mga bata—diin ang bisan kinsang mapamatud-ang napasagdan kini mahimong kasuhan ug matangtang sa serbisyo.